11
наурыз
2024
Қазақ тілі мен әдебиет пәнінің апталығы
Қазақ тілі мен әдебиет пәнінің апталығы
КММ №149 ЖББ мектепте 4 наурыз күні қазақ тілі мен әдебиеті пән бірлестігі онкүндігінің ашылу салтанаты өтті. Ашылу салтанатын қазақ тілі мен әдебиеті пәнінің мұғалімдері Отенова Ділдаш пен Шекербекова Айнұр ұйымдастырды.
Онкүндіктің мақсаты: қазақ тілі мен әдебиетінің мол мұрасымен кеңінен таныстыру, пәннің адам өміріндегі маңыздылығын түсіндіру, тілдің мемлекеттік мәртебесін қалыптастыру;
Қазақ тілінің қолданылу аясын кеңейтуге үлес қосу;
Қазақ халқының әдебиетін негізге ала отырып, көркем әдеби шығармалардағы кейіпкерлердің игі істерін насихаттау арқылы елжандылыққа, адамгершілікке, бауырмалдыққа тәрбиелеу;
Тілін, елін сүйе білуге үйрету;
Ашылу салтанатын директордың ғылыми істері жөніндегі орынбасары Сайлыбаева Сағира құттықтау сөзбен ашып, онкүндіктің маңызын атап өтті. Ұстаздар мен оқушыларды қазақ тілі мен әдебиеті онкүндігіне белсенді қатысуға шақырды. Қалалық , аудандық мәнерлеп оқу сайыстарының жүлдегерлері өлең оқыды. Күйшілер күмбірлете күй тартып, көпшіліктің көңілін көтерді.
