Аудандық қазақ тілі мен әдебиеті пәндік олимпиадада тағы да үздік нәтиже көрсетті

Шәкірт санасына білім нәрін сеуіп, ел болашағының өркендерін тәрбиелеп шығару екінің бірінің қолынан келе бермейді. Бұл тек қана Гүлнар Каримханқызы сияқты мықты, майталман ұстаздың қолынан келеді. Жас ұрпақтың жарқын болашаққа барар жолын айқындап беруде, жыл сайын болатын түрлі байқауларда Гүлнар Каримханқызы мол үлес қосып келе жатыр. Ұстаздық еңбекте жоғары жетістікке жетіп жүрген шығармашыл ұстаз Гүлнар Каримханқызының шәкірттері аудандық қазақ тілі мен әдебиеті пәндік олимпиадада тағы да үздік нәтиже көрсетті. 9-сынып оқушысы Бағысбекова А жүлделі 1-орын иеленді. 11-сынып оқушысы Куштаирова А 3-орын иеленді. Ұстаздың шәкірттеріне берген тәрбиесі мен білімі жол сілтер шамшырақ секілді. Сіздерді жетістіктеріңізбен құттықтаймыз!