09
ақпан
2022
Ақиық ақын Мұқағали Мақатаевтың туған күнінен орай, ақынның шығармашылығына арналған педагогтар арасында мүшайрадан Нұрмағамбетова Фарида Оракбаевна бас жүлде иегері атанды.
Бүгін 9 ақпан күні, ақиық ақын Мұқағали Мақатаевтың туған күнінен орай, мектебімізде ақынның шығармашылығына арналған педагогтар арасында «Жырлайды жүрек» атты мүшайра өткізілді. Жалпы мектеп бойынша әрбір бірлестіктен жыр сүйер мұғалімдер қатысып, Мұқағали Мақатаевтың өлеңдерін мәнерлеп, әндерін шырқап, нақышына келтіре оқыды. Сонымен қатар, талантты педагогтер ақиық ақынға авторлық өлең жолдарын арнады. Мүшайраға қатысқан мұғалімдер барлық шарттың үдесінен шығуға тырысты. Дегенмен, шын таланттың қайда да болсын топ жаратыны белгілі. Қазылар алқасының шешімімен талантты ұстаз, дарынды тұлға Нұрмағамбетова Фарида Оракбаевна бас жүлде иегері атанып, ауданға жолдама алды.