9-11 сынып оқушылары арасында "Ұшқыр ой алаңы" атты республикалық мектеп турнирінің мектепішілік кезеңі онлайн форматта өткізілді

Алматы қаласы, Алатау ауданы №149 ЖББМ 2022 жылы 25 қаңтарда Алматы қаласы білім басқармасының "Алматы дарыны" дарынды балалар мен талантты жастарды анықтау және қолдаужөніндегі орталығының жоспарына сәйкес 9-11 сынып оқушылары арасында "Ұшқыр ой алаңы" атты республикалық мектеп турнирінің мектепішілік кезеңі онлайн форматта өткізілді. Турнирде БП пандемия жағдайында Қазақстан азаматтарын міндетті түрде вакцинациялау орынды деп санайды, БП мемлекет қаржыландыратын ғарыштық бағдарламалар салық төлеушілердің ақшасын босқа жұмсау деп есептейді тақырыбындағы  қарарлар қозғалды. Дебат турнирі АПФ форматы бойынша өткізілді. Турнирде Үкімет және оппозиция командалары өз ойларын ашық жеткізіп, берілген қарар бойынша нақты, ұтымды тұжырымдарды мысалға келтірді. Бірінші қарар бойынша үкімет командасы жеңіске жетсе, екінші қарар бойынша оппозиция командасы жеңіске жетті. Дебат соңында, аудандық турнирге Ысқақов Әли мен Кдиралиева Аяжан қатысады деген шешім қабылданды.