“Мектеп, ата-ана, оқушы арасындағы қарым-қатынас” тақырыбында 8-9 сынып оқушыларының ата-аналарымен жиналыс өткізілді

Алатау ауданы 149 ЖББ мектепте 20 қаңтар күні “Мектеп, ата-ана, оқушы арасындағы қарым-қатынас” тақырыбында 8-9 сынып оқушыларының ата-аналарымен жиналыс өткізілді. Жиналыс барысында Мектеп директоры Шырынкүл Зейнуллақызы сөз бастап, мектеп пен ата-ана, оқушы арасында байланысты нығайтып, отбасында баланың жан- жақты қалыптасуына ата-ана мен отбасы мүшелерінің қарым-қатынасында сүйіспеншілік, адамгершілік, қайырымдылық, ұйымшылдық т. б қасиеттері және келбетін сақтайтын тұлға тәрбиелеу керек екендігін атап өтті. ДТІЖО Индира Мейрамбековна “Баланың рухани және тұлғалық дамуына үлес қосу” тақырыбында баяндама оқыды. Мектеп психологы З. Дигенбаева “ Жүрек жылуы және буллинг“ тақырыбында шағын тренинг жүргізді. Ата-аналар жиналысы жоғары деңгейде өткізіліп, ата-аналар тарапынан жақсы пікірлер айтылды.