Бастауыш сынып мұғалімі Нұрсадықова Майра Ерікқызы ана тілі пәнінен "Қараторғайдың ұясы. Бас әріппен жазылатын сөздер" тақырыбында ашық сабақ өткізді.

Алатау ауданы, №149 жалпы білім беретін мектепте бастауыш сынып мұғалімі, 1 " Ж" сынып жетекшісі Нұрсадықова Майра Ерікқызы ана тілі пәнінен "Қараторғайдың ұясы. Бас әріппен жазылатын сөздер" тақырыбында ашық сабақ өткізді. Сабақтың мақсаты: мұғалімнің қалауымен мәтіннің, сюжетті суреттің мазмұны бойынша сұрақ қою, сұраққа жауап беру, бас әріппен жазылатын сөздерді (кісі аттары, жер-су атаулары, жануарларға арнайы қойылған аттар) анықтау. Сабақ барысында өткен сабақты еске түсіру мақсатында, видеоролик көрсетіліп, оқушылармен оқулықпен жұмыс жасалынды. Сонымен қатар, оқушыларды топқа бөліп, ұжымдық жұмыс жасалынып, "Алма-кезек оқу" әдісі арқылы сұрақтарға жауап берілді. Оқушылар бас әріппен жазылған кісі аттары мен жер-су аттарын қарастырып, сөйлем құрауды үйренді. Сабақ соңында оқушылар "Бес бармақ" әдісі арқылы бағаланып, қорытынды жасалынды.