"Директорлық сенбі- ата-ана үні" жиналысы 9-11 сынып оқушыларының ата-аналарымен өткізілді

Алатау ауданы, 149 ЖББМ 2022 жылдың қаңтар айының 29 күні сағат 10:00 де ZOOM платформасымен "Директорлық сенбі- ата-ана үні" жиналысы 9-11 сынып оқушыларының ата-аналарымен өткізілді. Жиналысқа 85 ата-ана қатысты. 
Күн тәртібінде қаралған мәселелер:
1 Күнделік кз электронды журналы бойынша "Ата-ана, мұғалім, оқушы" арасындағы байланысы туралы директордың оқу ісі жөніндегі орынбасары Нүрзия Таңатарқызы баяндады. Қашықтықтан оқу кезінде оқушылардың сабаққа қатысуы, "Online mektep" платформасындағы берілген тапсырмаларды орындалуының үнемі қадағалануы тиіс екендігін ата-аналарға түсіндірді. 
2. Қашықтықтан оқу барысында оқушылардың тәрбиесі мен білім алудағы қажеттіліктер мен  туындаған сұрақтарға директордың тәрбие жұмысы жөніндегі орынбасары Индира Мейрамбекқызы жауап берді. 
3. Ағымдағы мәселелер. 
Директордың оқу ісі жөніндегі орынбасары Ұлпан Дәулетқызы оқушылардың білім сапасы туралы сөз қозғады.
Ата-аналар тарапынан сұрақтар қойылып, диалог болды. Ата-аналарға қашықтықтан оқыту форматы бойынша толық ақпарат берілді. Сонымен қатар, мұғалімдерге ізгі тілектерін айтқан ата-аналар да болды.
@edu.almaty 
@almaty_mektepteri 
@alatau_bilim_bolimi