Бала бақшалардан 1-сыныпқа қабылданатын болашақ оқушылар №149 мектепке саяхатқа келді. Саяхат барысында балалар мектеппен танысып, сынып бөлмелерін, асхананы, кітапхананы және спорт залын аралады. Мұғалімдер бүлдіршіндерге мектеп өмірі туралы қызықты мәліметтер айтып, түрлі ойындар мен таныстыру жұмыстарын өткізді. Балалар мектеп партасына отырып көріп, өздерін болашақ оқушы ретінде сезінді. Бұл саяхат олардың мектепке деген қызығушылығын арттырып, көтеріңкі көңіл күй сыйлады.